علا بدر تنتقد بوسترات المسلسلات وتقول: “كتير انصدمت” (صورة)

انتقدت النجمة السورية “علا بدر” الأسلوب الذي تتبعه شركات الإنتاج من أجل الترويج لأعمالها الفنية، من خلال التركيز في البوسترات على بعض الفنانين المشاركين في العمل دون غيرهم.

ودوّنت علا بدر عبر حسابها على موقع التواصل الاجتماعي “فيسبوك”، مطالبةً جهات الإنتاج بالاطلاع على بوسترات الأعمال الفنية المصرية والتركية.

وكتبت بدر في تدوينتها: “طيب عم شوف عجقة البوسترات والبرومو وهالقصص إلي بدي قولوا لا نقد ولا نق ولا أي شي ومو شغلتي ومابيخص أني ممثلة، بيخص اني إنسانة بحس وبحب الناس إلي بالمهنة، خصوصا إلي تعبت عحالا”.

وأضافت: “كتير انصدمت ببعض البوسترات انو بس بيختصروا صورتين أو تلاتة بأحسن الأحوال خمسة، طب معلش إذا مافيا إزعاج يعني باقي الناس شو تعبون شو كرامتون شوقهرون عحالون وقت ماعم يشوفوا صورون شو؟”.

وأشارت بدر إلى أن بوسترات المسلسلات المصرية والتركية تضع للممثل الذي يؤدي 20 مشهداً بوستراً خاصاً به ولقطة في في الإعلان الترويجي، لافتةً إلى أن الجمهور لا يلاحظ هذه الأمور، بينما يلاحظها العاملون في مهنة الفن.

وأردفت في حديثها: “قسماً بالله من قلبي انقهرت ولا حدا ينط يقول تسويق ومدري شو كفى لعب بالمفردات، الإنسانيات والتقدير أهم من أي شي مابيهتز، حضرة التسويق لما بتحط لقطة للناس الي تعبت معك طول شهرين أو تلاتة ياجماعة، تعب الناس قيمة الناس وأساميا تاريخا، وجع قلب حرفياً ولو قادرة ل قول اساميون بس مابدي وجعون اكتر”.

واختتمت الفنانة السورية تدوينتها بالقول: “ورمضان كريم يارب بس نحنا مو كرما، ملاحظة (مالي ولا مسلسل السنة وجعي على رفقاتي وعلى ناس بحبا الحمد لله لسا عندي احساس)”.