شكران مرتجى تنتقد شركات الإنتاج لمنعها من عرض الممثلين مشاهدهم على حساباتهم الخاصة (صورة)

دوّنت الفنانة السورية “شكران مرتجى” عبر حسابها على موقع التواصل الاجتماعي “فيسبوك”، منتقدةً منع شركات الإنتاج الفنانين من مشاركة مشاهدهم في المسلسلات عبر حساباتهم في مواقع التواصل.

وأبدت مرتجى استغرابها من الأمر الذي قد يكون ترويجاً للعمل الفني، مطالبةً زملاءها في الوسط الفني أن تتضمن عقودهم المستقبلية بنداً يضمن لهم حق مشاركة مشاهدهم على شكل مقاطع.

وكتبت شكران مرتجى في منشورها: “بعد المرحبا وكل الحب، في فمي ماء.. مو معقول الممثل بالدراما السورية ما بيقدر ينزل مشهد ماستر إله حبوه الناس بعمل هلك وتعب وهو عم يشتغل ويصور ويبحث ووو كل القصص اللي بتعرفوها لياخد أذن ؟؟؟؟نعم ياخد أذن !!!!! لانه ممنوع تنزل مشان الحقوق”.

وأضافت: “بفهم الحرص والخوف وكمان حصرية الربح والمصاري حتى أنمنعنا ننزل مقاطع ع اليوتيوب الخاص فينا لانه الشركات بتنزل المقاطع على حسابها الخاص عاليوتيوب مشان تربح وتربح وتربح وتربح يعني مابيكفي الاجور الجميلة اللي بناخدها (البعض) لسه بياخدوا منا حقنا أنه ننشر مقاطعنا ومشاهدنا اللي بتعمل دعاية للمسلسل أصلاً”.

وتابعت مرتجى قائلةً: ” يعني ببساطة أسمحوا للممثل ينزل مقطع والحلقة كاملة عندكم ونحنا بنحول العالم لتشوف على حساباتكم وتربحوا أكتر وتعبوا مصاري وتنتجوا عمل جديد ولما تبعتولنا دور ونحكي بالمصاري بلع لوراق المصحف إنه المسلسل الماضي ما ربحتوا”.

واختتمت واصفةً منع الفنانين من مشاركة مشاهدهم بأنه “غير مشروع”: “عم تبيعوا العمل لمنصات ومحطات والله يرزقكم وهاد حقكم بس هاد المنع الغير مشروع مو منطقي أبداً”.