رشا شربتجي تشيد بأداء نادين تحسين وتوصفها بـ “الرقم الصعب” (صورة)
أشادت المخرجة السورية “رشا شربتجي” بموهبة وأداء الفنانة “نادين تحسين بيك” في تدوينة لها عبر حسابها على موقع التواصل الاجتماعي “إنستغرام”.
ووصفت شربتجي نادين تحسين بيك بـ “الرقم الصعب”، فقالت: “مافي أحلى من هدوءها وطلتها وضحكتها و حضورها .. نادين رقم صعب”.
وأضافت مؤكدةً أنه لا يمكن لأحد أن يحل محلها: “وهي من الفنانات اللي بتأدي الأدوار بطريقة السهل الممتنع، يعني ولا حدا بيقدر يكون متلها أو يحل محلها حتى لو كان الدور بسيط بنظر الناس بيطلع كتير عميق و بيضل بالذاكرة، وهالشي ببساطة لأنو نادين تحسين بيك كتلة من الإحساس”.
وكشفت رشا شربتجي عن ملامح شخصية نادين تحسين بيك في مسلسل البيئة الشامية “مربى العز” الذي تتولى الأولى إخراجه، فقالت: “أسينات بتشبه نادين كتير، هي النسمة الرايقة بالعمل ومحور التوازن فيه، وقدرت تلعبها بحس عالي، بدون مبالغة أو تصعيد متكلف، و إن شاء الله رح تحبو اسينات متل ما حبيتها”.
ومن جهتها، ردت الفنانة نادين تحسين بيك على شربتجي مؤكدةً على احترافيتها وإبداعها في عملها: “أنت الي بتخلي كل ممثل مهم بمكانه .. أنت الي بتطلعي احسن ماعنا .. معك منحس قديش الي عم نعمله مهم واله قيمة ومعك بحس عن جد بقيمتي”.
وأضافت: “شكرا الك لأنك مو بس مخرجة رائعة ولأنك كنتِ معي خطوة بخطوة ومن قلبك.. ولا مرة عملت شخصية معك بمسلسل الا وتركت أثر ورفعتني درجة.. كل الحب والاحترام يا مبدعة”.
لترد شربتجي: “بتستاهلي كل المحبة والخير لأنك ممثلة خاصة ومن الطراز الرفيع، وبفرح كتير لما نشتغل سوا لأنو كل مرة بتفاجئيني بتفاصيل جديدة .. انتي متجددة ومهمة وبتلمعي ع طول”.